Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
ЖАЛПЫАДАМЗАТТЫҚ ҚҰНДЫЛЫҚТАРҒА ТӘРБИЕЛЕУДЕГІ АТА-АНА ЖАУАПКЕРШІЛІГІ: АТА-АНА МЕН КОЛЛЕДЖ ЫНТЫМАҚТАСТЫҒЫ
29.10.2025
2025 жылдың 29 қазан күні Ж.Мусин атындағы Көкшетау жоғары қазақ педагогикалық колледжінде «Жалпыадамзаттық құндылықтарға тәрбиелеудегі ата-ана жауапкершілігі: ата-ана мен колледж ынтымақтастығы» тақырыбында ата-аналар конференциясы өтті.
Іс-шараның мақсаты – ата-аналар мен оқу орны арасындағы өзара байланыстарды нығайту, студенттердің рухани-адамгершілік және жеке тұлғалық дамуына ата-аналардың ықпалын арттыру.
Конференция барысында колледж директорының оқу жұмысы жөніндегі орынбасары Ілияс Данагүл Нұртайқызы кәсіптік білім беруде колледждегі оқу процесінің талаптары туралы сөз сөйлеп, ата-аналардың оқу үдерісіндегі маңыздылығына тоқталды. Ал директордың тәрбие жұмысы жөніндегі орынбасары Рахым Арайлым Қайыргелдіқызы студенттердің әлеуметтенуіне бағытталған іс-шаралар жайында баяндама жасады.
Колледждің педагог-психологі Г.Б.Жезбаева «Ата-ана және колледж ынтымақтастығы» тақырыбында мазмұнды баяндама оқып, ата-аналардың бала тәрбиесіндегі белсенді рөліне тоқталды. Сондай-ақ, Көкшетау қалалық кәмелетке толмаған істері жөніндегі учаскелік полиция инспекторы полиция лейтенанты Е.Нысанбай кәмелетке толмағандардың құқықтық жауапкершілігі туралы түсінік берді.
Ата-аналар комитетінің төрайымы Айткенова Қарлығаш Думанқызы ата-аналар қауымдастығының колледжбен бірлесе атқарып жатқан жұмыстарымен бөлісіп, өз тәжірибесін жеткізді.
Конференция соңында ата-аналар тарапынан сұрақтар қойылып, пікір алмасу өтті. Іс-шара шағын концерттік бағдарламаға ұласты.
Конференцияның екінші бөлімінде әр топ жетекшісі өз ата-аналарымен жеке форматта жиналыс өткізіп, студенттердің оқу үлгерімі мен тәртібі жөнінде ақпарат берді.
Кездесу жоғары деңгейде ұйымдастырылып, ата-аналар мен колледж арасындағы ынтымақтастықтың жаңа кезеңін бастауға ықпал етті.
Просмотров: 397