ҚҰТТЫҚТАЙМЫЗ!!!

2025 жылдың 17-18 сәуір күндері аралығында  Азаматтық қорғаныс жоғары көпсалалы колледжінде «Мектепке дейінгі тәрбие және оқыту» және «Бастауыш сыныптарда оқыту» құзіреттіліктері бойынша «WorldSkills Aqmola – 2025» аймақтық чемпионаты өтті. Білім жарысына Ж.Мусин атындағы Көкшетау жоғары қазақ педагогикалық колледжінен 01120100 – «Мектепке дейінгі тәрбие және оқыту» мамандығы бойынша ІV курс студенті Сәлімкерей Ақгүлім Айбекқызы, 01140100 – «Бастауыш білім беру педагогикасы мен әдістемесі» мамандығы бойынша ІІІ курс студенті Сәбит Жұлдыз Нұралықызы қатысты. 
«Мектепке дейінгі тәрбие және оқыту» құзіреттілігі бойынша чемпионат 4 модульден тұрды: 
А модулі. «Мектепке дейінгі жастағы балаларды оқыту және тәрбиелеу»;
В модулі. «Мектеп жасына дейінгі балаларды оқыту және тәрбиелеу»; 
С модулі. «Білім беру ұйымының ата-аналарымен (заңды өкілдерімен) және қызметкерлерімен өзара әрекеттесу»;
D модулі. «Денсаулық» білім беру саласы.  Қазақ (орыс) тілінде мектеп жасына дейінгі балалармен гимнастика әзірлеу және өткізу.
«Бастауыш сыныптарда оқыту» құзіреттілігі бойынша чемпионат 3 модульден тұрды: 
А модулі. Интерактивті жабдықты пайдалана отырып, оқу пәндерінің бірінде бастауыш сыныптарда сабақтың үзіндісін (жаңа білімді ашу кезеңі) әзірлеу, әдістемелік қамтамасыз ету және өткізу;
В модулі. Мәселелердің бір түрі бойынша ата-аналар жиналысын әзірлеу және өткізу;
С модулі. Тәрбиенің бір бағыты бойынша (интернетсіз) білім алушылардың жобалау-зерттеу қызметін ұйымдастыру үшін жоба паспортын әзірлеу және ұсыну.
Чемпионат нәтижесінде «МЕКТЕПКЕ ДЕЙІНГІ ТӘРБИЕ ЖӘНЕ ОҚЫТУ» және «Бастауыш сыныптарда оқыту» құзіреттіліктері бойынша «WorldSkills Aqmola–2025» аймақтық чемпионатында  01120100 – «Мектепке дейінгі тәрбие және оқыту» мамандығы бойынша ІV курс студенті Сәлімкерей Ақгүлім Айбекқызы және 01140100 – «Бастауыш білім беру педагогикасы мен әдістемесі» мамандығы бойынша ІІІ курс студенті Сәбит Жұлдыз Нұралықызы жүлделі 1 орындарға ие болды. 01140100 – «Бастауыш білім беру педагогикасы мен әдістемесі» мамандығы бойынша ІІІ курс студенті Сәбит Жұлдыз Нұралықызы «Бастауыш сыныптарда оқыту» құзіреттілігі бойынша «WorldSkills Kazakhstan – 2025»  республикалық чемпионатына жолдама алды. Сәттілік тілейміз!