ТАНЫМДЫҚ ОНЛАЙН КЕҢЕС

«ҒАЛЫМ ЖӘНЕ ҒЫЛЫМИ БАСЫЛЫМ: ІЗДЕНІС ПЛАТФОРМАСЫ» атты тақырыпта 17-18 ақпанда Қазақ тілі оқытушыларының халықаралық бірлестігінің ұйымдастырумен Назарбаев Университетінде халықаралық ғылыми семинар өтті. Аталған семинарға директордың ғылыми-әдістемелік жұмысы бойынша орынбасары Бақытгүл Ерғалиқызы, Абай атындағы электронды-ресурстық кітапханасының меңгерушісі Зарина Жомартқызы, кітапханашы Әлия Ізбасар қатысты. Қазақстанның ғылыми кеңістігіндегі ғылыми-зерттеу жұмыстарының сапасын дамытуға ат салысу; жас зерттеушілердің ғылыми-зерттеу дағдыларын қалыптастыру және дамыту; отандық және халықаралық ғылыми басылымдардың талаптарымен таныстыру бағыттары бойынша тың мәліметтер алынды. Қазіргі жаңаша ғылыми парадигмалар аясында алынған ақпараттармен бөлісу мақсатында ағымдағы жылдың 25 ақпанында Ж.Мусин атындағы Көкшетау жоғары қазақ педагогикалық колледжінде бітіруші курс студенттерінің дипломдық жұмыс жазу барысы бойынша танымдық онлайн кеңесі өткізілді. Кеңеске колледж директорының ғылыми-әдістемелік жұмысы бойынша орынбасары Бақытгүл Ерғалиқызы, бөлім меңгерушілері, Абай атындағы электронды-ресурстық кітапханасының меңгерушісі Зарина Жомартқызы, дипломдық жұмыс жетекшілері мен зерттеуші студенттер қатысты. Студенттерге зерттеу жұмыстарын толыққанды жүргізуде қолдау көрсету мақсатында үш кезеңнен тұратын танымдық онлайн кеңес өткізу жоспарланды. ZOOM платформасы арқылы өткізілген алғашқы кезеңде зерттеу жұмыстарына қойылатын жаңа талаптар бойынша ақпарат беріліп, эксперименттік зерттеу әдістерін онлайн форматта қолдану мүмкіндіктері талқыланды. Нәтижесінде ғылыми жетекшілер мен студенттердің ұсыныстарын негізге алып, танымдық онлайн кеңестің екінші кезеңінде «негізгі библиометрикалық өлшемдер» бағытында Абай атындағы электронды-ресурстық кітапханасының меңгерушісі Зарина Жомартқызы тарапынан онлайн кітапханалар мен оны пайдалану жолдары бойынша арнайы көрсетілім ұйымдастырылмақ.