«ТАПҚЫР БОЛСАҢ, ОЗЫП КӨР» АТТЫ ИНТЕЛЛЕКТУАЛДЫҚ САЙЫСЫ

2024 жылдың 20 қараша күні Ж.Мусин атындағы Көкшетау жоғары қазақ педагогикалық колледжінде «Парасат»  дебат клубының жетекшілігімен І курс студенттері арасында  «Ұшқыр ой алаңы» жобасы аясында «Тапқыр болсаң, озып көр» атты  интеллектуалдық сайысы өтті. Мақсат – студенттердің жан-жақты ізденісін, шығармашылық қабілеттерін шыңдау, отансүйгіштікке, елінің тарихын білуге тәрбиелеу, жан-жақты шығармашылық қабілеттерін жетілдіру, ғылыми негіздегі пәндерді игеруге қызығушылығын арттыру, шапшаңдыққа, ойын тиянақты жинақтауға дағдыландыру, бірін-бірі сыйлауға, тыңдауға үйрену. Сайысқа 4 топ қатысып, нәтижесінде «Ағылшын» бөлімінің І курс студенттерінен құралған «Speak Easy»  тобы жүлделі І орын иеленсе, «Филология» бөлімі жүлделі ІІ орынға ие болды. ІІІ орынды «Информатика» бөлімінің атынан қатысқан «Қыран» тобы алып, ІV  орынды «Бастауыш мектеп» және «Мектепке дейінгі» бөлімдерінен құралған «Білімділер» тобы иеленді.