«Мұқағали – мәңгілік ғұмыр» тақырыбындағы адалдық сағаты өтті

Ж.Мусин атындағы Көкшетау жоғарғы қазақ педагогикалық колледжінің студенттеріне арналған шынайы поэзия өкілі, ғажайып ақындардың бірі – Мұқағали Мақатаевқа арналған адалдық сағаты өткізілді.

Өткізілген іс-шараның негізгі мақсаты – ақынның әділеттілік пен адалдыққа, патриотизмге және елге деген құрметтен өрнектелген ұлы ақынның шығармалары арқылы жаңа ұрпақты тәрбиелеу. Биыл мұзбалақ Мұқағалидiң туғанына 90 жыл толды.

Өмірді сүюдің ғажайып үлгісін көрсеткен ақын Мұқағали “Жан азасы” поэмасында өмір туралы гимн туғызды. “Аққулар ұйықтағанда” поэмасында ел наным-сенімін қастерлеу, сұлулық үндестігін жыр етсе, “Райымбек, Райымбек!” дастанында ел тарихын, ел басына қатер төнгенде қолына ту алып, жауына қарсы аттанған Райымбек Хангелдіұлының ерлігін суреттейді. Ақиық ақын өз өлең жолдарында Отан, туған жердің табиғаты аса ерекше орынға ие. Ақын отансыз адамды ормансыз бұлбұлға теңеп көрсетеді. Халқы мен еліне деген шексіз махаббаты әрбір өлең шумақтарында кездеседі. Ақынның шағармаларының ойы мен мәнін зерттей отырып, Отанды сүюге, адал болуға, табиғатты аялауға, өмірді бағалай білуге үйренеміз.