«МЕКТЕПКЕ ДЕЙІНГІ ТӘРБИЕ ЖӘНЕ ОҚЫТУ» МАМАНДЫҒЫ БОЙЫНША ДЕМОНСТРАЦИЯЛЫҚ ЕМТИХАН

2024 жылдың 27 мамыр күні  Ж.Мусин атындағы Көкшетау жоғары қазақ педагогикалық колледжінде 0101000 «Мектепке дейінгі тәрбие және оқыту» мамандығы,  010101 «Мектепке дейінгі ұйымдардың тәрбиешісі» біліктілігі бойынша білім алатын ІV курс, яғни МД-41 тобының студенттерінің  қорытынды аттестаттау емтихандары басталды. Қорытынды аттестаттау емтихандарының комиссия мүшелері «Ақмола облысы білім басқармасының Көкшетау қаласы бойынша білім бөлімінің жанындағы  Көкшетау қаласының «Айша» бөбекжайы» мемлекеттік коммуналдық қазыналық кәсіпорнының меңгерушісі Сексенова Гулмира Саулаубекқызы және Ш. Уәлиханов атындағы Көкшетау унииверситеті «Әлеуметтік және жасерекшелік педагогикасы»  кафедрасының оқытушысы, педагогика ғылымдарының магистрі, Абай атындағы Қазақ Ұлттық Педагогикалық университетінің докторанты Тилеубаева Назгул Найзабековна қатысты.  Алғашқы қорытынды аттестаттау емтиханы педагогика және психология пәндерінен тест түрінде сәтті тапсырылды.  Бітіруші МД-41 тобының студенттеріне алдағы дипломдық жобаны қорғау және демонстрациялық емтиханды сәтті тапсыруларына тілектеспіз!