Медициналық санитарлық практика

     0101000 «Мектепке дейінгі тәрбие және оқыту» мамандығы бойынша МД-21 тобында 2019 жылдың 13 мамырынан 18 мамыр аралығында «Медициналық санитарлық практика»  оқу практикасы жүргізілді.

Оқу практикасының негізгі міндеттері:

1) Азаматтық қорғаныстағы медициналық қызметті ұйымдастыру

2) Бақытсыздық жағдайға ұшыраған, жарақат алған кезде және төтенше жағдайда зардап шеккендерге алғашқы медициналық көмек көрсету;

3) Уландырғыш заттармен зақымдану және улану жағдайында алғашқы медициналық көмек;

4) Медициналық таңу және оның түрлері. Жарақат алған адамды тасымалдау.

Колледж медбикелері Д.Мұхатаева, М.Галиакберова оқу практикасында жараны таңу түрлерін меңгеру,  адамдарға зақымдану, күю, үсік шалған жағдайда алғашқы көмек көрсету еңбекті қорғау, техникалық қауіпсіздік ережелерін сақтау, өрттен қорғану,  медициналық-санитарлық жабдықтарды пайдалана білу жолдары бойынша мәліметтер беріп, студенттер практика жүзінде қолдана білуді үйренді.