«АШЫҚ ЕСІК» күні

2020 жылдың 27 қазан күні Ж.Мусин атындағы Көкшетау жоғары қазақ педагогикалық колледжінде музыка бөлімінің ұйымдастырумен кәсіптік бағдар берудің жоспарына сай Ақмола облысының Аршалы ауданына қарасты Ижев ОМ, Сары-Оба ОМ, Анар ОМ, Турген ОМ, Волгодонов ОМ, №1 Аршалы, №2 Аршалы, Арнасай ОМ, Қойгелді ОМ, Абай атындағы Бұлақсай ОМ, Ж.Ташенов атындағы ОМ, И.Құтпанұлы атындағы орта мектептері және Бабатай НМ, Николаев НМ, Ольгинка негізгі мектептерінің оқушыларына мамандықты таңдау жасауына бағыт-бағдар беру мақсатында ZOOM платформасы арқылы «Ашық есік» күні ұйымдастырылды. Барлық мамандықтар бойынша бейнефильм көрсетіліп, толық ақпарат берілді. Оқу орнымызда ұйымдастырылатын элективті курстар, үйірмелер туралы мағлұматтар берілді. Кері байланыс ретінде оқушылардың сұрақтарына директордың практика бойынша орынбасары Қ.С.Мұқышева, музыка бөлімінің меңгерушісі С.Абдрахманова және музыка пәнінің оқытушысы Б.Төлеубай жауап берді. Жоғарыда аталған мектептерден 79 оқушы және сынып жетекшілері қатысты. «Ашық есік» күнін ұйымдастыруға ат салысқан Аршалы аудандық білім бөлімінің тәрбие бойынша әдіскері Маханов Руслан Жалғасбайұлына алғысымызды білдіреміз.