ЖЕҢІС ТОЛҚЫНЫНДА

Ұстаз біліктілігі, өз кәсібіне деген шеберлігі сынға түскенде шыңдала береді. Сынға түсу іскерлікке, жаңа бағытта жұмыс жасауға итермелейді. Осы орайда ағымдағы жылдың қараша айында Музыка бөлімінің оқытушылары мен студенттері бірқатар байқауларға қатысып, өз мамандығына деген шеберліктерін таныта білді. Атап айтсақ, Халықаралық таланттар академиясының ұйымдастыруымен өткен «Педагогикалық шеберлік» атты І Халықаралық педагогикалық байқауында колледж оқытушысы Мұсайыпова Шынар Қайратқызы сынға түсіп, «Педагогикалық эссе» номинациясы бойынша І дәрежелі дипломмен марапатталды. Сонымен қатар ҚР Білім және ғылым министрлігі республикалық қосымша білім беру оқу-әдістемелік орталығының ұйымдастыруымен өткен «2020 күзгі маусым «ХХІ ғасыр педагогі» республикалық қашықтық конкурсында музыка бағыты бойынша І орын алғаны үшін колледжіміздің оқытушысы Таткенова Сәуле Қайратқызы І дәрежелі дипломмен марапатталды. Жеңіс тұғырынан көріне білген студенттер де болды. «USTAZ TILEGI» республикалық ғылыми-әдістемелік орталығының ұйымдастыруымен өткізілген музыка пәнінен студенттер арасындағы халықаралық олимпиадасында Музыка бөлімінің студенті Қ.Қайыржанов, М.Едрисова ІІІ дәрежелі дипломмен, жетекшісі Таткенова Сәуле Қайратқызы Алғыс хатпен марапатталды.