5 қыркүйек – Қазақстан халқы Тілдері күні

 «Ұлттың сақталуына да, жоғалуына да себеп болатын нәрсенің ең қуаттысы – тілі», – деген ұлағатты сөз қалдырған ұлт ұстазы Ахмет Байтұрсынұлының туған күнінде барша қазақстандықтар Тілдер мерекесін тойлайды. Биыл да колледжімізде Қазақстан халықтарының Тілдер күніне орай ұйымдастырылған іс-шаралар легі алғашқы оқу аптасынан бастау алды. Колледжімізде өзге ұлт өкілдерінің ана тілін сақтау мен қатар қазақ тілін жетік меңгерту, болашақта еркін қолдана алу мақсатында «Тіл – достық құралы» атты өзге ұлт өкілдерімен онлайн диалог алаңы  ұйымдастырылды.  Ерекше ықыласпен жыл сайын тойланатын аталмыш мереке биыл онлайн түрде өткізілген танымдық сағаттар шеңберінде өтті. Филология бөлімінің студенттері арасында ұйымдастырылған эссе жазу байқауына бірқатар жұмыстар қабылданып, ұлт тілін ұлықтау мақсатында жазылған үздік жұмыстар марапатталды.