«Үздік педагог-2017» конкурсының І, ІІ кезеңдері

Ж.Мусин атындағы педагогикалық колледжі базасында 11-12 мамыр күндері Ақмола облысы техникалық және кәсіптік білім беру ұйымдарының педагогикалық қызметкерлері арасындағы облыстық «Үздік педагог-2017» конкурсы өтіп жатыр. Конкурс комиссиясының құрамы төмендегідей: Ақмола облысы білім басқармасының басшысы, қазылар алқасының төрайымы Ізбасарова Балым Сабетқызы, білім басқармасындағы техникалық және кәсіптік білім бөлімінің жетекшісі Садвакасов Бегжан Серікұлы, білім басқармасының облыстық оқу- әдістемелік кабинеті директорының орынбасары, педагогика ғылымдарының кандидаты Кушпаева Гүлнар Бүркітбайқызы, «Ақмола облысы және Астана қ. Бiлiм және ғылым қызметкерлерi кәсiподағы» ҚБ төрағасы Әбдрахманов Бейсенбай Қадырұлы, «Өрлеу» ҰБАО» АҚ «Ақмола облысы бойынша «ПҚБАИ» филиалының директоры Исимбаев Еркін Тұрашұлы, Ақмола облысы Кәсіпкерлер палатасының өкілі Тажмиева Айжан Әликқұлқызы, Ақмола облысы рестораторлары ассоциациясының мүшесі Құсаин Гүлмира Қадырманқызы, Балаларды табиғатпен және экология негіздерімен таныстыру әдістемесінің жоғары санаттағы оқытушысы, Ж.Мусин атындағы педагогикалық колледжінің оқытушысы Мұқышева Нұргүл Серікқызы. Бүгін, 11 мамыр күні конкурстың І және ІІ «Өзін-өзі таныстыру», «Педагогтың шығармашылық көрмесін қорғау» кезеңдері болды. Сонымен қатар қазылар алқасы 107 конференц-залында қатысушылардың портфолиолары мен эсселерін бағалады. Әр кезең бойынш қазылар алқасы ұпай сандарын арнайы монитор арқылы қатысушыларға хабарлап отырды. Ертең, 12 мамыр күні қазылар алқасы арнайы кесте бойынша әр қатысушының 20 минуттық сабақтарына қатысып бағалайтын болады. Кейіннен сайыстың қорытындысы шығарылып, салтанат залында жабылу салтанаты жоспарлануда.

Олай болса, сайысқа қатысушы ұстаздарға сәттілік серік болсын демекпіз!