«Ұстаз аты – биік әрі мәңгілік!»

29 қыркүйек күні Мұғалімдердің кәсіби мерекесіне орай колледж дәлізінде студенттер оқытушыларды құттықтап, әуезді әуендермен, раушан гүлдерімен қарсы алды. Колледж ғимаратында ұстаздарға арналған құттықтау сөздер мен әсем әндер ойнап тұрды.

Биылғы оқу жылы колледжіміз үшін толағай табыстар мен шығармашылық жетістіктерге толы болды деп мақтанышпен айта аламыз. Колледжіміз биылғы оқу жылында  жоғарғы колледж статусына көтеріліп, қыркүйек айынан бастап ресми түрде лицензиялық құжатқа ие болды. Сонымен қатар, колледжіміз жалпы мемлекеттік қаржы-экономикалық нарықтарды саралау көрсеткіші бойынша да республикалық мемлекеттік және коммуналдық кәсіпорындар арасында іріктелген «ҮЗДІК-100» мекеме арасында үздік 7-лік ішінде 4-орын иеленіп, Ақмола облысы бойынша оқу орындар арасында көш бастап, І орында тұр. Мақтанышпен айтар тағы бір жетістігіміз биылғы жылы

колледжіміздің ағылшын бөлімінің студенттері Ұлыбритания мемлекеті, Кембридж қаласында орналасқан Кембридж аймақтық колледжінің тілдік курстарына қатысып, өз білімдерін жетілдіріп, келді.

Ж.Мусин атындағы Көкшетау жоғары қазақ педагогикалық колледжінде Ұстаздар күні салтанатты түрде аталып өтіледі. Колледж студенттері оқытушыларға мерекелік көңіл-күй сыйлау мақсатында «Mood Room»

бағдарламасын ұйымдастырды, ұстаздарды әр топтарға бөліп қызықты іс-шаралар өткізді. Мерекелік күн  «Ұстаз аты – биік әрі мәңгілік!» атты Ұстаздар күніне арналған концерттік бағдарламаға ұласты.

Ақмола облысы білім басқармасының құрмет грамотасымен  Р.Қ.Здуалиев, А.Б.Бекенова, Ақмола облысы білім басқармасының алғыс хатымен Қ.Қ.Иманбаев марапатталды. Білім беру саласына қосқан үлесімен шәкірт тәрбиелеудегі еңбегі үшін құрмет грамотасымен  Р.З.Кожахметова, Ж.А.Есханова, Д.П.Жусупова, Б.К.Калиева марапатталды.

Барлық Ұстаздар қауымын кәсіби төл мерекелерімен құттықтай отырып, шығармашылық ізденістер мен толағай табыстар тілейміз.