«М.О.Әуезов мұрасы: рухани жаңғыру»

2017 жылдың 6-шы қазанында Шығыс Қазақстан облысы, Семей қаласы, «М.О.Әуезов атындағы педагогикалық колледжі» КМҚК базасында Қазақстан ғылым академиясының академигі, қоғам қайраткері, ғұлама ғалым, жазушы Мұхтар Омарханұлы Әуезовтің 120 жылдығына арналған халықаралық серіктестер қатысуымен Республикалық «М.О.Әуезов мұрасы: рухани жаңғыру» атты ғылыми конференция өтті. Конференцияға колледжіміздің оқытушылары Мұхтар Әуезовтің шығармашылық мұрасын зерттеу және педагогикалық ғылымдар саласындағы өзекті мәселелерін талдау негізінде әр түрлі тақырыптарда ғылыми мақалаларымен сырттай қатысты. Конференция аясында екінші бағытта техникалық және кәсіптік білім беру оқу орындары білім алушылары үшін «М.О.Әуезов шығармалары жас зерттеушілер көзімен» ғылыми жоба және «Сөз құдіреті» мәнерлеп оқу байқауы өтті.

7-ші қазан күні Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-мұражайына экскурсия ұйымдастырылды.     

Аталған конференцияға Ж.Мусин атындағы Көкшетау жоғары қазақ педагогикалық колледжінің студенттері колледжіміздің оқытушысы БейсембинаАйнагүл Елемесқызының жетекшілігімен Семей қаласына барып қайтты.

Филология бөлімінің оқытушысы Серкешбаева Гүлжанат Нұрмағанбетқызы ФБ-32 тобының студенті Еншілес Фариза,  ФБ-21 тобының студенті Тихонов Егор және ағылшын бөлімінің А-21 тобының студенті Қайырова Қуанышты мәнерлеп оқудан жан-жақты дайындап жетекшілік етті. Ал, ғылыми жоба байқауы бойынша ФБ-31 тобының студенті Мұратбекқызы Райханды жас зерттеуші ретінде жетілдіріп дайындаған жетекшісі колледжіміздің оқытушысы Жоламанова Тойындық Молдағалиқызы болды.

Аталған қатысушыларымыздың ішінен Тихонов Егор мен Қайырова Қуаныш арнайы сертификатармен марапатталса, ал мәнерлеп оқудан Еншілес Фариза ІІІ орынға ие болып, 4 томдық М.Әуезовтің «Абай жолы» романы кітабы сыйлығын алды. Ғылыми  жоба байқауы бойынша Мұратбекқызы Райхан  бас жүлдемен ноутбук сыйлығына ие болды. Студенттерді дайындап, белсенді кәсіби ұстаным танытып, жетекшілік еткен колледжіміздің оқытушылары Г.Н.Серкешбаева мен Т.М.Жоламановаға арнайы алғыс хат берілді. 9-шы қазан күні колледжіміздің оқытушылары мен студенттері Семей шаһарынан жүлделі орындар мен оралған студенттерімізді салттантты түрде қарсы алып, шығармашылық табыстар тілеп, ізгі ниеттерін білдірді.