«Жайдарлы жаз – 2020» жазғы практикаға дайындық

2020 жылдың 25-30 мамыр аралығында «Жайдарлы жаз – 2020» жазғы практикаға дайындық оқу практикасы қашықтан оқыту жүйесінің мүмкіндіктері арқылы ұйымдастырылды. Барлығы – 278 студент. Оқу практикалары «Дене тәрбиесі және спорт», «Бастауыш білім беру», «Негізгі орта білім беру» мамандықтары бойынша жоспарға сай жүргізіліп, Zoom арқылы бейне оқыту, электрондық пошта, WhatsApp арқылы кері байланыс жасалды.

Мақсаты - жаз айларында жазғы сауықтыру лагерьлерінде өтетін практикаға қашықтықтан дайындау, қатысушы топтардың арасында тұлғалық белсенділіктері мен кәсіби тәлімгерлік шеберліктерін шыңдау. Орталық жұмысына 11 жасақ, «І шуақ» педагогикалық жасағының 33 тәлімгері белсене қатысты. Әр тәлімгерлер өз топтарымен бірлесіп, берілген тапсырмаларды қашықтан сапалы орындай білді. Әдіскерлер Г.Амиржанова, Б.Батанасова, А.Мыңбаев, Қ.Мұратбекқызы, медбике Д.Мұхатаева «Достар, танысайық», «Тәлімгерлік жұмыс кешені», «Жігерлі спортшылар», «Денсаулық – зор байлық», «Шеберлік – шығармашылық бастамасы», «Сәттілік, саған, тәлімгер!» атты тақырыпта бірнеше іс-шаралар ұйымдастырылды.