ҮЛГІ САБАҚТАР ЛЕГІ

Ағымдағы жылдың 27 ақпан күні Ж.Мусин атындағы Көкшетау жоғары қазақ педагогикалық колледжінде озық педагогикалық тәжірибені тарату мақсатында қазақ тілі мен әдебиеті пәнінің оқытушысы З.Ж.Рахимованың «Қазақ әдебиеті» пәні бойынша  «С.Елубай  «Жалған дүние» романының «Ждақай», «Отыз екінші жылдық қолжазбасы», «Қайғы», «Едіге» бөлімдерін талдау» тақырыбындағы үлгі сабағы өтті. Сабақтың Smart мақсатына сәйкес «Жалған дүние» романын бөлімдерінің негізгі идеясын ашуда, романдағы әлеуметтік-моральдық мәселелерді анықтауда «Umaigra» ойыны, «Кинотеатр билеті» әдісі, «Кинолента» әдісі, кері байланыс жасауда «Көзілдірік» әдісі,  «Өз қатарыңды таңда»  әдісі, жұптық жұмыста «ПОПКОРН» әдісі, жеке жұмыста «Сериал кейіпкерлерінің паспорты» әдісі, бағалауда «Оскар мүсіні» әдісі тиімді қолданылды.    Білім алушылар «Жалған дүние» романының бөлімдерін талдау арқылы көтерілген мәселелерді талдап, пікірлерін ашық білдіре алды.