Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
АЛҒАШҚЫ ӘСКЕРИ-ТЕХНОЛОГИЯЛЫҚ ДАЙЫНДЫҚ КАБИНЕТІ, ТРЕНАЖЕР, ТЕННИС ЖӘНЕ ТИР ЗАЛДАРЫНЫҢ АШЫЛУ САЛТАНАТЫ
08.01.2024
2024 жылдың 5 қаңтар күні Ж.Мусин атындағы Көкшетау жоғары қазақ педагогикалық колледжінің №2 Студенттер үйінде алғашқы әскери-технологиялық дайындық кабинеті, қыздар мен ер балаларға арналған жеке 2 тренажер залы және теннис, тир залдарының ашылу салтанаты өтті. Салтанатты іс-шарада колледж директоры, Қазақстанның еңбек сіңірген ұстазы Ахат Нұртас Ахатұлы бүгінгі жастар арасында әскери-патриоттық жұмыстарды жетілдіру, әскери-патриоттық тәрбиені дамыту, ел азаматтарының жоғары патриоттық сезімдері мен адамгершілік қасиеттерін қалыптастыру – бүгінгі ұрпақ тәрбиесінде аса маңызды орын алатындығын атап өтті. Сондай-ақ «Жас сарбаз» балалар мен жасөспірімдердің әскери-патриоттық қозғалысы» қоғамдық бірлестігінің Ақмола облыстық филиалы төрағасы Сағидолда Орынбек Мәмиұлы ашылу салтанатымен құттықтап, мұның «Айбын» әскери-патриоттық клубы және «Томирис» рухани-патриоттық қыздар клубы мүшелерінің жан-жақты дамуына оң әсер тигізері сөзсіз екендігін тілге тиек етті. Бұл аудиториялар әскери-патриоттық тәрбие беру ісін жетілдіріп және білім алушылардың дене сымбатын қалыптастырып, спортпен айналысуына қажетті барлық заманауи құрал-жабдықтармен жабдықталған. Сондай-ақ Студенттер үйінің артқы қапталында жаттығу жасауға арналған Street Workout алаңы орналасқан. Футбол,волейбол, баскетбол алаңқайлары – білім алушылардың салауатты өмір салтын қалыптастыру мақсатында өткізілетін түрлі шараларға қолайлы орта.
Просмотров: 519