«Фортепиано аспабында ойнау техникасымен жұмыс жасау» тақырыбындағы үлгі сабақ

2023 жылдың 1 қараша күні Ж.Мусин атындағы Көкшетау жоғары қазақ педагогикалық колледжінде «Негізгі аспап фортепиано сыныбы» жеке әуез пәні бойынша бірінші санатты оқытушы Х.М. Тюлебаеваның «Фортепиано аспабында ойнау техникасымен жұмыс жасау» тақырыбындағы үлгі сабағы өтті. Негізгі мақсат – техниканы дамыту және алынған дағдыларды зерттелетін жұмыстарда қолдану. Үлгі сабақ барысында гаммалармен, К. Черни мен Г. Лемуанның этюдтерімен, Д. Кабалевскийдің «Ёжик» пьесасымен жұмыс жүргізілді. Сондай-ақ өткен сабақтарда орындалған музыкалық шығармаларды қайталап, яғни техникалық қиын тұстармен және штрихтермен де тапсырма орындалды. Үлгі сабақтан соң кафедра отырысы өтіп, ҚР Үкіметінің І Мұғалімдер Съезіне арналған "Баршаға қолжетімді сапалы білім" баяндамасы талқыланды. Сонымен қатар колледждің 2023-2024 оқу жылына арналған кешенді білім бағдарламасының жоспарына  сәйкес модульдер бойынша оқытушылардың оқу әдістемелік кешендерін жинақтау, баспадан шығару жұмыстары қарастырылды.