16.10.2023
Ұлағатты ұстаз, ел жанашыры, ғұмырын еліміздің білім беру ісіне арнаған зиялы азаматы, педагог-сарапшы Ахметов Тілеуғабыл Иманбайұлы ҚР Оқу-ағарту министрлігінің «Еңбек ардагері» медалін иеленді. Ардақты тұлға – 35 жылға жуық уақыт елеулі қызмет ете отырып, колледждің көркеюі мен дамуына өзіндік сүбелі үлес қосқан арлы азамат. Озық методикасы мен ұтқыр дидактикасының арқасында көп ішінде ерекшелене білген үздік педагог өзінің шебер ұстаз екендігін көпке мойындатты.
Сізге деніңіздің саулығын, шаңырағыңызға ырыс байлығын, жүрегіңізге мәңгі жастық жалынын, көңіліңізге сезімнің шалқыған шаттығын тілейміз. Әрдайым осы тыңғылықты да тындырымды қалпыңыздан танбай, табыстан табысқа жете беріңіз. Отбасыңыздан ынтымақ, басыңыздан бақ таймасын. Ғұмырлы болыңыз!