ҰСТАЗ – ҰЛЫҚ ЕМЕС, ҰЛЫ ҚЫЗМЕТ!

Жабагин Тілектес Есенжолұлы – Ж.Мусин атындағы Көкшетау жоғары қазақ педагогикалық колледжінің алғашқы әскери дайындық  пәні оқытушысы, педагог-модератор, «Айбын» әскери-патриоттық клубының жетекшісі. Еңбек өтілі – 9 жыл. Осы еңбек жолында біршама белестерді де бағындырып үлгерген. Жекелей де,шәкірттерінің де жетістіктері атап айтуға тұрарлық. 2017 жылдан бастап үздік шәкірттерді тәрбиелегені үшін Алғыс хаттар иелене бастады. 2020 жылы Солтүстік Қазақстан облысы Білім басқармасының, ҚР БҒМ Республикалық қосымша білім беру оқу-әдістемелік орталығының Алғыс хаттары табыс етілген. 2021 жылы Jas sarbas әскери-патриоттық лагерінде АК-74 бөлшектеу құрастырудан 1 орын алған үшін арнайы Диплом еншілеген. Сондай-ақ Нұр-Сұлтан қаласы ҚР Қарулы Күштері бас штаб бастығының Алғыс хаты, 2022 жылы ҚР Қарулы Күштері Бас Штаб  бастығының орынбасары, Тәрбие  Идеологиялық жұмыстар департаментінің бастығы, генерал-майор С.Боранбаевтың,  Қазақстан Республикасы Оқу-ағарту бірінші вице-министрі Ш.Каринованың, Ақмола облысының әкімі Е.Б.Маржықпаевтың Алғыс хаттарын иеленді. Сонымен қатар «Қазақстандық салалық білім және ғылым қызметкерлері кәсіптік одағының Нұрсұлтан қаласы мен Ақмола облыстық ұйымы» ҚБ Құрмет грамотасын, «Айбын-2022» жастар жиынында Ақмола облысының «Жас сарбаз» әскери-патриоттық клубының дайындығы үшін облыстық Қорғаныс Істері жөніндегі департаменті бастығы, полковник Р.Касымовтың Алғыс хатын еншіледі. Биыл Ақмола облысының әкімі Е.Б.Маржықпаевтың, Астана қаласы ҚР Қарулы Күштері бас штаб бастығынының Алғыс хаттары табыс етілді. Өзі жетекшілік ететін «Айбын» әскери-патриоттық клубының мүшелері 2020 жылы қашықтықтан өткен Республикалық «Жас Ұлан» әскери көпсайысты жарыста жалпыкомандалық І орын иеленсе, 2021 жылы «Айбын» Республикалық VII әскери-патриоттық жиынында «Айбын жұлдызы» байқауынан ІІІ орын, «Жігер» Спартакиядасы бағдарламасындағы Ақмола облысының «Снайпер» пневматикалық винтовкасынан  атыс, «Әскерилендірілген кросс», «Айбын», «Отан қорғаушы», «Жас Ұлан» жарыстарында бірнеше рет  жүлделі орындарды еншіледі, «Айбын»   Республикалық VII әскери-патриоттық жиынында ІІІ орын, ал 2023 жылы «Айбын» Халықаралылық VIII әскери-патриоттық жиынында  ІІ орынға ие болды.