«Magic world of fairy tales» ертегі қойылымдары

Ж.Мусин атындағы Көкшетау жоғары қазақ педагогикалық колледжінің ағылшын тілі пәні оқытушылары Г.Мынбаева және Т.Жунусованың ұйымдастыруымен «Magic world of fairy tales» атты «Шетел балалар әдебиеті» пәнімен ұштасқан ертегілер қойылымы өткізілді. Ағылшын бөлімінің 3 курс студенттері белсенділік танытқан кешке көрермен ретінде №18 С.Жүнісов атындағы орта мектеп-лицейі, М.Ғабдуллин атындағы №3 көп тілде оқытылатын кәсіби-мектеп гимназисының 9 сынып оқушылары және ағылшын тілі бөлімінің 1-2 курс студенттері шақырылды. Қойылымдар әділ қазылар алқасының байыпты шешімімен төмендегідей 6 критерийлер бойынша бағаланды:

1. Орындаушының шығарманың мазмұны мен бейнесін ойнауы;

2.Орындаушының  кейіпкердің сипатына  сәйкестігі;

3. Сахна мәдениеті;

4. Әртістік;

5. Көрерменге нақты көріністі жеткізе білу;

6. Сөйлеу техникасы (дауыстандыру, сөйлеудің жалпы көріністері, дикция, орфоэпия).

Іс-шара барысында ертегілер бойынша көрініс жарысының қорытындысы ретінде  ,  А-32 тобы «The beauty and the beast» қойылымымен 1 орын иеленсе, А-33 тобы «Rapunzel» қойылымымен 2 орынға ие болды, А-31 тобы «The musicians of Bremen Town» қойылымымен гран-при иегері атанды. Қосымша номинациялар ішінде «Басты рөлдегі үздік актер» номинациясымен Зарипханов Азамат, «Қосымша рөлдегі үздік актер» номинациясымен Жолданғар Данияр, «Басты рөлдегі үздік актриса» номинациясымен Жомарт Кәсіп,  «Қосымша рөлдегі үздік актриса» Серікдосқызы Мөлдір, «Үздік продюсер» номинациясымен Жанаева Жанель, «Үздік номер» номинациясымен Кожина Жайнар,  «Үздік DJ» номинациясымен Жукенова Камила марапатталды.

Ұсынылған сахналық қойылымдар арасында А-31 тобының студенттері Мадельханова Махаббат пен Хайбар Айшолпан орындауында «All of me»,  А-32 тобынан Кожина Жайнар орындауында «Thousand years» әнімен және А-33 тобы Флешмоб билеп,  өз өнерлерін ортаға салды. Көрермендердің көңілінен шыға білген «Magical world of fairy tales» атты ертегілер қойылымы өз мәресіне жетіп, студенттер кешті «One big Family» әнімен аяқтады.