Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
«АЙБЫН ЖАСТАРЫ – ТӘУЕЛСІЗДІКТІҢ АЙБАРЫ» кездесу-сұхбаты
16.06.2023
2023 жылдың 15 маусым күні Ж.Мусин атындағы Көкшетау жоғары қазақ педагогикалық колледжінде «Айбын» әскери-патриоттық клубының «Айбын – 2023» ІХ Халықаралық әскери-патриоттық жастар жиынына қатысуына орай «Айбын жастары – Тәуелсіздіктің айбары» кездесу-сұхбаты өтті. Маңызды іс-шараға Ақмола облысы білім басқарамасы тәрбие бөлімінің бас маманы Магавина Айгүл Сағымбайқызы, «ЖАС САРБАЗ» жасөспірімдер әскери-патриоттық қозғалысы республикалық қоғамдық бірлестігінің Ақмола обылысының филиалының төрағасы Сағидолла Орынбек Мәмиұлы, Ақмола облысы тәрбие, идеологиялық және әскери-патриоттық басқармасының бастығы, подполковник Әлиев Ақдаулет Төлешұлы, Ақмола облысының Ауған соғысы ардагерлер төрағасының жетекшісі, Щучье филиалының әскери техникалық мектебінің директоры, Ақмола облысы мәслихатының депутаты Ыбырай Дуанбай Кәзібайұлы, «ҚР ҚК Ардагерлері» республикалық қоғамдық бірлестігінің Ақмола филиалының төрағасы, запастағы полковник Ережепов Жанат Малгаждарұлы, Ақмола облысы білім басқармасы туризм, денешынықтыру, алғашқы әскери және технологиялық дайындық орталығының әдіскері Мұқатаев Мейірбек Шәріпұлы, «Айбын-2023» республикалық жиынға қатысушы білім алушылардың ата- аналары және «Айбын» әскери-патриоттық клубының мүшелері қатысты. Ақмола облысы тәрбие, идеологиялық және әскери-патриоттық басқармасының бастығы, подполковник Әлиев Ақдаулет Төлешұлы «Айбын» әскери-патриоттық клубының мүшелеріне сәттілік тілеп, ерік-жігер берді. Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, филология ғылымдарының кандидаты, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлы «Айбын-2023» ІХ Республикалық әскери-патриоттық жастар жиынына қатысатын Ақмола облысы командасы «Айбын» ӘПК-ның дайындығы туралы есеп берді. Кездесу-сұхбатқа қатысушыларды «АЙБЫН» әскери-патриоттық клубының жетекшісі Жабагин Тілектес Есенжолұлы «Айбын-2023» ІХ Республикалық әскери-патриоттық жастар жиынында өткізілетін байқаулар мен жарыстарды өткізу шартымен таныстырды. Сондай-ақ «ҚР ҚК Ардагерлері» республикалық қоғамдық бірлестігінің Ақмола филиалының төрағасы, запастағы полковник Ережепов Жанат Малгаждарұлы «Патриотизм – ұлттық рухтың асқақ белгісі» тақырыбында ой өрбітсе, клуб мүшесі Кенжетай Томирис Жақсылыққызының әкесі Кенжетаев Жақсылық Алпысбайұлы «Ұлтжандылыққа тәрбиелеуде ата-ананың рөлі» тақырыбында сөз қозғады. Кездесу-сұхбат барысында Ақмола облысының Ауған соғысы ардагерлер төрағасының жетекшісі, Щучье филиалының әскери техникалық мектебінің директоры, Ақмола облысы мәслихатының депутаты Ыбырай Дуанбай Кәзібайұлы жас сарбаздардың республикалық жиыннан жеңіспен оралатынына үлкен сенім білдірді. Сонымен қатар Тәуелсіз елдің батырларын тәрбиелеуде қосқан үлесі үшін колледж директоры атынан «Айбын» ӘПК мүшелерінің ата-аналарына Алғыс хат табыс етілді. Іс-шара соңында «Айбын жұлдызы» шығармашылық байқауы қатысушыларының орындауындағы «Көкшетау – киелі мекенім» әні орындалып, рухты сезіммен кездесу-сұхбат аяқталды.
Просмотров: 444