11.04.2023
Ағымдағы жылдың 10 сәуір күні Ж.Мусин атындағы Көкшетау жоғары қазақ педагогикалық колледжінде «Ғылым» үшкүндігі аясында «Тіл және әдебиет» кафедрасы оқытушыларының ұйымдастыруымен «Ғылымның қызықты қырлары» атты ғылыми викторина өтті. Білім жарысы «Стильдік қатені тап», «Көркем сөздің құдіреті», «Сөздер сөйлейді» және «Әдеби шығарманы сатылай кешенді талдау» атты 4 кезеңнен тұрды. Ғылым викторинаға ФБ-11, ФБ-22ҚБ, ФБ-21 және ФБ-31 топтарының студенттері белсене қатысып, жүзден жүйрік болуға ұмтылды.