Қазақстандағы код сағаты

Қазақстан Республикасы Білім және ғылым министрлігі Халықаралық «Компютерлік ғылымдар апталығы» аясында «Қазақстандағы код сағаттары» ұйымдастырылды. Ж.Мусин атындағы Көкшетау жоғары қазақ педагогикалық колледжінің «Информатика» бөлімінің оқытушылары мен студенттері аталған іс-шарадан тыс қалмай, аса белсенділік танытты. Акция 3-4 сынып оқушылары үшін тақырыптық сабақтар, 5-11 сынып оқушыларына информатика сабағы шеңберінде өткізілді. Көкшетау қаласының IT мектеп-лицейі, №2, №6, №8, №11, №13, №18 мектептері, барлығы 125 оқушы жұмылдырылды. Нәтижесінде колледждің информатика пәнінің оқытушылары Утебаева Дамели Зайроллақызы, Қалменбай Арман Нұралыұлы, Камалиден Айгерім Сағындыққызы және белсенділік танытқан студенттер арнайы сертификаттармен марапатталды. Іс-шараның мақсаты – оқушылардың ақпараттық технологияларға, соның ішінде қолданбалы бағдарламалауға деген қызығушылығын арттыру.