«Ханзада мен ханшайым 2019» күзгі бал кеші

     2019 жылдың қараша айында Ж.Мусин атындағы Көкшетау жоғары қазақ педагогикалық колледжінің жатақханада тұратын студенттері үшін «Ханзада мен ханшайым 2019» күзгі бал кеші ұйымдастырылды. Кеш жұптар байқауы түрінде өткізіліп, 7 жұп өз өнерлерін ортаға салды. Сайыс үш кезеңнен құралды: таныстыру, дыбыстау, дефиле. Әділқазы алқасы құрамында колледжіміздің шет тілі пәнінің оқытушы Аяжан Ерболқызы, психология пәнінің оқытушысы Дайана Нұрлыбекқызы, колледж психологы Қаракөз Мұратбекқызы болды. Студенттер тарапынан өте мазмұнды, әрі қызықты ұйымдастырылған іс-шараға қатысушылар тыңғылықты дайындықпен келіп, ерекше ықыласпен қатысты. Нәтижесінде 1 орын М-11 тобының студенттері Қабылұлы Тілеген, Акбарова Жұлдыз, 2 орын А-11 тобының студенттері Батхаш Эльдар, Сапарбек Гүлдана, 3 орын ДМ-11 тобының студенттері Балташ Шыңғыс, Әділова Сымбатқа берілді. Осындай байқауларды ұйымтастырудағы негізгі мақсат – студенттерді азаматтық, мәдениеттілік қасиеттерге тәрбиелеу, шығармашылық қабілеттерін дамыту және айқындау, бос уақыттарын пайдалы өткізуге баулу, сахналық шеберлік дағдыларын қалыптастыру.