Президент Жолдауы талқыланды...

2022 жылдың 9 қыркүйек күні Ж.Мусин атындағы Көкшетау жоғары қазақ педагогикалық колледжінде тарих пәнінің оқытушысы Қабдуалиев Ұлан Балғабайұлының жетекшілігімен «Информатика» бөлімінің І курс студенттері мемлекет басшысы Қасым-Жомарт Тоқаевтың Қазақстан халқына Жолдауын кең ауқымды түрде талқылады. Жыл сайынғы жарияланатын Жолдаулардан биылғы жылдың Жолдауының басты айырмашылықтары мен негізгі бағыттары басты назарға алынды. Әлеуметтік-экономикалық салаға басымдық беріліп отырған Жолдаудың әлеумет күтіп отырған түйткіл тұстары ерекшеленіп, аталып өтілді. Студенттердің қызығушылығын оятқан бағыттар талданып, өз ойларын ортаға салып, пікір алмасты. 
Жолдауда көтерілген ең маңызды мәселелерді шешу нақты тапсырмалар негізінде Үкіметке жүктелгені айтылды. Топ студенттері де Жолдауды ашық талқылау арқылы біз күтетін елдегі өзгерістерге бей-жай қарай алмайтынын анық білдірді.
Президент Жолдауы ел болашағына сеніммен қарауға бағыт-бағдар беретін «компас» тәрізді. Сондықтан мемлекеттілікті дамыту бағытымызды адаспай табу алдағы уақыттың еншісінде...