«Жастар жолы» атты І Республикалық ғылыми-практикалық конференция қорытындысы

     «Be Clever» Халықаралық дамыту орталығының ұйымдастыруымен 23-ші қазан күні Көкшетау қаласында «Жастар жолы» атты мектеп оқушылары, студенттер мен жас ғалымдар арасында І Республикалық ғылыми-практикалық конференция өтті. Біздің студенттеріміз «Android Studio бағдарламасында туристік өлкетану қызметі» атты мобильді қосымша, «Delphi бағдарламасында мәліметтер базасын басқару жүйесін құру», «Мектепке дейінгі робототехниканы меңгерту жолдары» атты ғылыми жобаларын қорғады. Студенттер жобаларын сәтті қорғап, жүлделі І орынға ие болғаны үшін информатика бөлімінің 4 курс студенттері Агзамова Аида, Амангельдинов Самат, ІІ орын иегері Шаяхмет Айғаным диплом және медальмен марапатталды. Ғылыми жетекшілері: Д.Утебаева, А.Қамалиден, С.Садвакасова. Жоғарыда аталған студенттер сәуір айында Алматы қаласында өтетін Халықаралық ғылыми-практикалық конференцияға жолдама алды. Жеңімпаздарымызды құттықтаймыз! Алдағы уақытта ғылыми еңбектеріңіз көп болғай!