ҰСТАЗҒА ТАҒЗЫМ!

     Қазан айында аталып өтетін ең ұлық та, ұлағатты мерекенің бірі - «Ұстаздар күні»! Бүгінгі мереке оқытушыларға колледж табалдырығын аттағаннан ерекше көңіл күй сыйлаумен басталып, «2019 жылдың үздік педагогі» атағын иемденген Бақытгүл Ерғалиқызын қарсы алу, колледж директоры Н.Ахат, ардагер ұстаздарымыздың тілектерімен жалғасын тапты. «Қазақстан – Көкшетау» телеарнасынан арнайы келген түсірілім тобы қатысты.
     Қыркүйек айының 30 күнінен қазан айының 4 күні аралығында педагог мәртебесін арттыру, қағамдағы имиджін қалыптастыру мақсатында «Ұстазға тағзым» атты апталықты өткізуге арналған іс-шара ұйымдастырылды. Ж.Мусин атындағы Көкшетау жоғары қазақ педагогикалық колледжінің оқытушылар құрамы, студенттері атсалысқан апталық есте қаларлықтай әсерлі әрі танымды өтті. «Өз ұстазыңды құттықта!» деген атпен Колледжіміздің оқытушысы Батанасова Бақытгүл Ерғалиқызы бастаған челлендж оқытушылар мен студенттер тарапынан қолдау тауып құттықтаулар легі басталды. «Мұғалім мамандығы – беделді!» брифингі, «Жұлдыздардан тосын сый» атты кездесу ұйымдастырылды. Тосын сый жасап жүрекжарды тілегімен қонақ болған Көкшетау қаласының жас ақындары Оспан Қуаныш, Үсен Табыспек болды. «Ұлағатты ұстазға мың алғыс» атты концерттік бағдарлама өтті.
   Мерекеде колледжіміздің дамып өсуіне ерекше үлес қосып, өз педагогикалық шеберліктерін шындап жүрген ұстаздарымыз алғыс хатпен марапатталды. Ақмола облысы білім басқармасының «Облыстық оқу-әдістемелік кабинетінің» арнайы куәлігімен Хамзин Елебек Советұлы, Таткенова Сауле Қайратқызы, Абрахманова Салтанат Таубайқызы, Досжан Еркін Досжанұлы, Рерих Ксения Александровна, Құрметқызы Мейрамгүл, Бегалин Болат Жанайдарұлы, Даханқызы Марина марапатталды.
     Жас ұрпақты оқыту және тәрбиелеудегі атқарып жүрген үздіксіз, қажырлы және жемісті еңбегі үшін Ақмола облысы білім басқармасының «Облыстық оқу-әдістемелік кабинеті» директорының алғыс хатымен Мустафина Сауле Галиханқызы марапатталды. Спорт саласын дамытуға үлес қосқаны үшін Ақмола облысының білім басқармасы Алғыс хатымен Садвакасов Берік Қабиұлы, Садвакасов Айбек Серікұлы марапатталды.
   Ақмола облысының білім беру қызметкерлерінің кәсіподақ ұйымы атынан Алғыс хаттарымен Мыңбаев Азамат Эсенбергенұлы, Шакіржанов Қуан Серікұлы, Садвакасов Берік Қабиұлы, Құдайбергенов Сырым Рыстанұлы, Садвакасов Айбек Серікұлы, Сұлтан Нариман Нұржанұлы марапатталды.
     Білім беру саласын дамытуға қосқан үлесі, жас ұрпақты оқыту және тәрбиелеу ісіндегі табыстары, кәсіби шеберліктері, педагогикалық үрдістегі жетістіктері үшін Ақмола облысы білім басқармасы басшысының құрмет грамотасымен Мукатаев Мейрбек Шәріпұлы, Мұсайыпова Шынар Қайратқызы марапатталды.
   Қазақстан Педагогикалық Ғылымдар Академиясының мүшесі болып сайлануы туралы куәлік Серкешбаева Гүлжанат Нұрмағамбетқызы, Батанасова Бақытгүл Ерғалиқызы, Рақымжанова Әсел Қайроллақызына берілді.
   Қазақстан Республикасының Білім және Ғылым министрі Аймағамбетов Асхат Ашық хатымен Жоламанова Тойындық Молдағалиқызы, Смаилова Айгүл Тоқтауылқызы, Мұқатаев Мейірбек Шәріпұлы құттықталды. Қазақстан Республикасының Білім және ғылым министрлігінің «Еңбек ардагері» медалімен Бешімов Қайрат Бақытжанұлы марапатталды. «Тіл туралы» Заңның қабылданғанына отыз жыл толуына орай Қазақстан Республикасының Президенті Тоқаев Қасым-Жомарт Кемелұлының Алғыс хатымен Ілияс Данагүл Нұртайқызы сыйлық сертификатымен қоса марапатталды.
Әрқашанда алар асуларыңыз биік болсын!