«Talap» коммерциялық емес акционерлік қоғамының директоры Ордабаев Олжас Темірбекұлының іссапары

2022 жылдың 14 сәуір күні Ж.Мусин атындағы Көкшетау жоғары қазақ педагогикалық колледжіне «Talap» коммерциялық емес акционерлік қоғамының президенті Ордабаев Олжас Темірбекұлы, вице-президенті Тәтібеков Санжар Мейірханұлы және кеңесшісі Бимендина Асима Темкеновна келіп, білім ошағының мән-жайымен танысты. Іссапармен келген қонақтарды Филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлы құшақ жая қарсы алды. Ең алдымен, колледж алдында орналасқан «Абай» аллеясына барып, ҰЛЫ тұлғаның ескерткішіне гүл шоқтарын қойды. Сондай-ақ №108 Логопедия ресурстық орталығымен танысып, өткізіліп жатқан «Техникалық және кәсіптік орта білімнен кейінгі білім беру жүйесінің педагогі: еңбек функцияларын жетілдіру» курсының барысымен танысты. Айта кету керек, аталмыш курста 22 оқытушы білім алып, біліктілігін арттыруда. «Talap» коммерциялық емес акционерлік қоғамының директоры Ордабаев Олжас Темірбекұлы курстың тиімділігі туралы оқытушылардан ақпарат алып, ұсыныстарын тыңдады. Сонымен қатар колледж базасында өткізіліп отырған «WorldSkills Аqmola – 2022» аймақтық чемпионатының куәсі болды. Білім беру мекемесіне саяхат жасап, ондағы мүмкіндіктермен танысты.