1 маусым – Халықаралық балаларды қорғау күні

      Ж.Мусин атындағы Көкшетау жоғары қазақ педагогикалық колледжінің алаңында Балаларды қорғау мерекесіне орай колледж оқытушыларымен қызметкерлерінің балаларына арнап кәсіподақ ұйымының ұйымдастыруымен мектепке дейінгі бөлімнің 4 курс студенттерінің қатысуымен шағын ойын-сауық мерекелік іс-шара өтті. Іс-шара барысында әртүрлі ойындар ойнатылып, балмұздақ таратылды. Әр балаға арнап сыйлықтар берілді. 1 маусым – Балаларды қорғау күнін əрбір бала асыға күтеді. Бұл мереке балғын бүлдіршіндеріміз үшін ең қуанышты жəне жыл сайын асыға күтетін басты мереке болғандықтан атаулы күні көңіл бөлінбеген бүлдіршін болмады. Балаларды қорғау күніне ұйымдастырылған кеш үлкен-кішіге қуаныш пен жақсы көңіл-күй, ұмытылмас сəттер сыйлады. Жас балапандар – баршамыздың бақытымыз, болашағымыз. Бүгінгі бүлдіршіндер ертеңгі қасиетті даламызды гүлге бөлейтін еліміздің тірегі, ата-бабамыздан қалған ұлан-байтақ жеріміздің иесі.