Жанайдар Мусин атындағы көркемсөз оқу шеберлерінің байқауы

     2019 жылдың 19 ақпан күні Ж.Мусин атындағы Көкшетау жоғары қазақ педагогикалық колледжінде дәстүрлі түрде кәсіби бағдар бойынша әлеуметтік серіктестікті нығайту мақсатында қала мектептерінің 9-11 сынып оқушылары арасында филология бөлімінің ұйымдастыруымен Жанайдар Баймырзаұлы Мусин шығармашылығын насихаттау арқылы қазақтың тілі мен әдебиетіне, мәдениетіне деген оқушылар ықыласын арттыру, еліміздің рухани бірлігін нығайту мақсатында Ж.Баймырзаұлының туылғанына 83 жыл толуына орай көркемсөз оқу шеберлерінің байқауы өтті. Алғы сөзді колледж директорының оқу жұмысы бойынша орынбасары Т.Сәбитова сөйледі. 6 мектептен 12 қатысушы өтініш білдірді. Байқау екі кезеңнен тұрды: 1 кезең мәнерлеп оқу (поэзия), 2 кезең Ж.Мусиннің прозасынан үзінді оқу. Байқауға қатысушаларға мынадай талаптар қойылды: оқылатын мәтіннің көлемі 5 минуттан аспауы керек; дайын фонограммаларды пайдаланбауы керек; белгісіз авторлардың көркемдігі төмен шығармаларын оқуға болмайды; қатысушылар дайындаған мәтіндерін жатқа оқумен бірге сахналық бейнесі мен киімдерін байқау кезеңдеріне үйлестіре білулері қажет. Байқауға қатысушылардың өнерлері қазылар алқасының бағалауымен бағаланды. Байқау барысында қатысушылар жоғары деңгейдегі дайындықпен келгендерін дәлелдеді. Байқау қорытындысы бойынша бас жүлдені №3 Красный Яр көпсалалы орта мектеп-гимназиясының оқушысы Бауыржан Нұржайна, жүлделі І орынды С.Жүнісов атындағы №18 орта мектеп-лицейінің оқушысы Нұрғали Әсем, жүлделі ІІ орынды С.Жүнісов атындағы №18 орта мектеп-лицейінің оқушысы Тұрарова Күлшат, №3 Красный Яр көпсалалы орта мектеп-гимназиясының оқушысы Батырбай Әли, жүлделі ІІІ орынды С.Жүнісов атындағы №18 орта мектеп-лицейінің оқушысы Дәулетбекова Ақбота, №3 Красный Яр көпсалалы орта мектеп-гимназиясының оқушысы Қибатолла Елжас, № 6 орта мектеп-лицейінің оқушысы Каиргельдинова Махаббат иеленді. Байқауға қатысушыларға арнайы сертификат, алғыс хат және жеңімпаздарға грамоталар мен бағалы сыйлықтар табысталды.