«Білімділік және жарыстық робототехника» атты онлайн режиміндегі облыстық семинар

    «Өрлеу» БАҰО» АҚ филиалы Ақмола облысы бойынша педагогикалық қызметкерлердің біліктілігін арттыру институтының ұйымдастыруымен 15 ақпан күні «Білімділік және жарыстық робототехника» атты онлайн режиміндегі облыстық семинар өтті. Семинардың мақсаты: робототехника құралдарын дамытуда ұстаздардың ақпараттық-технологиялар кәсіби құзыреттілігін жаратылыстану-математикалық бағытта сауаттылық түрде дамыту. Аталмыш семинарға Ақмола облысының робототехника оқытушылары,  еңбекке даярлық және техникалық шығармашылық орталықтарының мамандары, мектеп оқытушылары ат салысты. «Информатика» бөлімінің IT маманы, робототехника элективті курсының жетекшісі Сағындық Т.С. «Студенттерге робототехниканы үйрету: АКТ-ны қолдану арқылы мамандыққа баулу» атты баяндамасын оқыды. Баяндамада робототехника саласындағы жетістіктер, робототехниканы бағдарламалау және дизайнның практикалық тәсілдері, Қазақстанда робототехникамен айналысатын командалар мен ұйымдар туралы статистикалық ақпарат беріп өтті. Өзінің жасаған «Сатымен жүретін роботты» көпшілікке таныстырып, көрермендердің көңілдерінен шықты. Семинарды «Өрлеу» БАҰО» АҚ филиалы Ақмола облысы бойынша педагогикалық қызметкерлердің біліктілігін арттыру институтының АТ бөлімінің басшысы Муканова Роза Ақылбаевна барлық қатысушыларға ризашылығын білдіріп, алғыс хаттармен марапаттады. Алдағы уақытта Сағындық Тұрар Сағатұлына жұмысында тек жеміс тілейміз!