«Ұлы даланың ұлы тұлғасы» атты «Жәпек батыр» кітабының тұсаукесері

      Ж.Мусин атындағы Көкшетау жоғары қазақ педагогикалық колледжінің директоры, филология ғылымдарының кандидаты Н.Ахаттың бастамасымен, филология бөлімінің оқытушысы Г.Серкешбаеваның жетекшілігімен Шахмет Құсайынов атындағы Ақмола облыстық қазақ музыкалық-драма театрында Президент Нұрсұлтан Назарбаевтың «Ұлы даланың жеті қыры» атты мақаласына орай ұйымдастырылған «Ұлы даланың ұлы тұлғасы» атты «Жәпек батыр» кітабының тұсаукесері өтті. Тұсаукесерге «Ұлттық ғылыми медициналық орталық» акционерлік қоғамының басқарма төрағасы, Еуропа Ғылым Академиясының толық мүшесі әрі құрметті ғалымы, медицина ғылымдарының докторы, профессор, атақты Жәпек батырдың текті ұрпағы Абай Қабатайұлы Байгенжин, «Жібек жолы» баспа үйінің президенті, Қазақстан Республикасының еңбек сіңірген қайраткері, Қазақстан Жазушылар Одағының хатшысы, ақын Бақытжан Мұсаханұлы Қанапиянов, «Ұлттық ғылыми медициналық орталық» акционерлік қоғамының басқарма төрағасының медициналық қызмет және ғылым жөніндегі орынбасары, медицина ғылымдарының докторы Темирлан Сибирьевич Карибеков, «Ұлттық ғылыми медициналық орталық» акционерлік қоғамының атқарушы директоры, медицина ғылымдарының кандидаты Болат Ғаббасұлы Көпенов, Солтүстік Қазақстан облысы, Айыртау аудандық ардагерлер кеңесінің төрағасы Әбілқайыров Армиял Әбілқайырұлы, Солтүстік Қазақстан облысы, Айыртау ауданының құрметті азаматы Елемес Сәуленұлы Қалиев, «Жібек жолы» баспа үйінің атқарушы директоры, Жәпек батыр ұрпағы Гүлнәр Сейілбекқызы Қанапиянова, «Жібек жолы» баспа үйінің вице-президенті Ләйла Нұртайқызы Өтебаева, «Жібек жолы» баспа үйінің бас редакторы, «Жәпек батыр» кітабының редакторы Балжан Елубайқызы Хабдина, «Жәпек батыр» кітабының дизайнері Қайрат Аманжолұлы Сауханов және Жәпек батырдың ұрпақтарымен колледж оқытушылары, студенттері қатысты. Кітап – алдыңғы ұрпақтың артқы ұрпаққа қалдырған рухани өсиеті демекші «Жәпек батыр» кітабының тұсау кесер рәсімін Қанапиянов Бақытжан Мұсаханұлын, Қажыбай Төлеген Сыздықұлын, Төлеғұл Ғосман Төлеғұлұлын, Әбуев Қадыржан Қабиденұлын,  Кәрімов Берік Төлетайұлы жасап, сөз сөйледі. Ш.Уәлиханов атындағы Көкшетау мемлекеттік университетінің доценті, тарих ғылымдарының кандидаты Өтегенов Марат Зинатұлы «Қазақ  тарихында Жәпек батыр Дәуітбайұлының алатын орны» атты баяндама жасады. «Ұлы даланың ұлы тұлғасы» атты «Жәпек батыр» кітабының тұсаукесеріне арналған руханият кеш тарихи жыр оқумен, ән-күймен жалғасын тапты. Аталған іс-шара асыл қазынамызға айналған қасиетті де құдіретті ҚАЗАҚ елінің құндылығын тағы бір мәрте арттырған рухани кештің бірі болды.