Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
ОБЛЫС ӘКІМІНІҢ МАРАПАТЫ
24.12.2021
2021 жылдың 23 желтоқсан күні «BOLASHAQ SARAIY»-нда Ақмола облысының әкімі Маржықпаев Ермек Боранбайұлының қатысуымен «WorldSkills Kazakhstan – 2021» республикалық чемпионатының жеңімпаздары мен жүлдегерлерін және «Қазақстан Республикасы колледждерінің үздік 100 студенті» республикалық конкурсының жеңімпаздарын салтанатты түрде марапаттау рәсімі өтті. «WorldSkills Kazakhstan – 2021» республикалық чемпионатында Ж.Мусин атындағы Көкшетау жоғары қазақ педагогикалық колледжінің жүлде қоры молайды. Республикалық чемпионаттың қорытындысына сәйкес «Бастауыш сыныптарда оқыту» құзіреттілігі бойынша колледж түлегі Дондых Құндыз ІІ орынды иеленсе, «Дене тәрбиесі және спорт» құзіреттілігі бойынша Наурузова Милана ІІІ орынды еншіледі. Сондай-ақ «Мектепке дейінгі тәрбие және оқыту» құзіреттілігі бойынша Иват Үмітгүл мен «Музыканы оқыту» құзіреттілігі бойынша Бабаева Алина үздік медальонға ие болды. Сонымен қатар Ж.Мусин атындағы Көкшетау жоғары қазақ педагогикалық колледжінің мақтаныштары үздік 100 студенттің қатарына еніп, арнайы марапатқа ие болды. Білім бәйгесінде оза шапқан дарындылар – информатика бөлімінің III курс студенті Алькенов Данекер Амангельдыұлы мен музыка бөлімінің 3 курс студенті Рамазан Лана. Облыстың үкілеген үмітін ақтаған дарынды түлектеріміз облыс әкімінің қолынан марапат алып, ақшалай сыйлық табыс етілді. Сондай-ақ «WorldSkills Kazakhstan – 2021» республикалық чемпионатында жүлделі орындарға ие болған колледж түлектерінің тәлімгерлері Мукушева Қарагөз Серікқызы мен Хамзин Елебек Советұлы да марапатталды. Филология ғылымдарының кандидаты, Қазақстан Педагогикалық Ғылымдар Академиясының академигі, Қазақстан Республикасының еңбек сіңірген ұстазы, Ж.Мусин атындағы Көкшетау жоғары қазақ педагогикалық колледжінің директоры Ахат Нұртас Ахатұлына Ақмола облысының әкімі Маржықпаев Ермек Боранбайұлы алғыс хат табыс етті. Құттықтаймыз! Жүлде қоры молайып, жеңіс қоржыны толыға берсін!
Просмотров: 357