«Сәкен сері Жүнісовтің өнегелі ғұмыры» адалдық сағаты

Ж.Мусин атындағы Көкшетау жоғары қазақ педагогикалық колледжінде «Информатика» бөлімінің І курс студенттеріне «Сәкен сері Жүнісовтің өнегелі ғұмыры» атты адалдық сағаты өткізілді. Іс-шараның негізгі мақсаты – драматургтың өмірбаянын сипаттай отырып, шығармалары арқылы жас ұрпақтың елге, әдебиетке деген сүйіспеншілігін арттырып, саналы тәрбие беру. Адалдық сағаты барысында топ студенттері Сәкен сері Жүнісовтің шығармаларынан үзінді оқып, өз ойларымен бөлісті. Әдеби берері мол туындылардан мысалдар келтіру арқылы ой-сананы, тұлғалық сипатты қалыптастырудағы басты ерекшеліктерді талдады. Білім алушыларға қоғам қайраткерінің адалдықтың ақ жолымен жүріп өткені баса айтылды. Кемел тұлғаның өнегелі өмірі іс-шара барысында толықтай сарапқа салынып, жан-жақты ашылды.