Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
Үйірме-клубтардың жәрмеңкесі
17.09.2021
Ж.Мусин атындағы Көкшетау жоғары қазақ педагогикалық колледжінде 16 қыркүйек күні үйірме-клубтардың жәрмеңкесі өтті. Бұл игі шара студенттердің бос уақытын тиімді пайдалануына орай ұйымдастырылып отыр. Колледжде жалпы 32 үйірме, 14 элективті курс жұмыс істейді. Оған спорттық секциялар, мәдени-интелектуалдық үйірмелер және шығармашылық өнер ұжымдары да кіріктірілген. Атап өтсек, «Наркескен» ер балалар хоры, «Шабыт» домбырашылар ансамблі, «Алтын оймақ» қолөнер үйірмесі, «Мұрагер» тоғызқұмалақ клубы, «Жұмбақтас» туризм клубы, «Ар-намыс» саяси-интеллектуалдық мектебі, «Томирис» рухани-патриоттық қыздар клубы, «Кербез» мәдени-интеллектуалдық қыздар мектебі т.б. сынды үйірмелер бар. Сондай-ақ, «Зерек» студенттердің ғылыми қоғамы, М.Монтессори технологиясы, WorldSkills модульдерін меңгерту курсы (мектепке дейінгі бөлім) т.б. көптеген элективті курс та жұмыс істейді. Бұл үйірме-клубтар арқылы олар өздерінің қарым-қабілеттерін жетілдіріп, жігерлерін шыңдай түседі. Топтасып жұмыс істеудің нәтижесінде әр студент ұйымшылдыққа, бірлесіп жеңіске ұмтылуға үйренеді. «Жігітке жеті өнер де аз» демекші, әр үйірменің студентке берері мол. Аталмыш жәрмеңкеде үйірме-клубтардың жеткен жетістіктері көрсетіліп, студенттердің қызығушылығын оятты. Колледж студенттері кем дегенде 2-3 үйірмеге таласа жазылып жатты.
Просмотров: 261