1 қыркүйек күні – Білім күні!

2021 жылдың 1 қыркүйек күні Ж.Мусин атындағы Көкшетау жоғары қазақ педагогикалық колледжінде білім күніне арналған «Тәуелсіздік жетістіктері» атты тәрбие сағаттары өтті.  Тәрбие сағатының мақсаты – Тәуелсіз Қазақстанның 30 жыл ішінде қол жеткізген жетістіктерімен таныстыру, тәуелсіздігімізді құрметтей білуге, Қазақстанның келешегі үшін аянбай еңбек етуге шақыру, студенттер бойында отансүйгіштік-патриоттық сезімдерін тәрбиелеу. Тәрбие сағаты барысында студенттер назарына бейнематериалдар мен презентациялар ұсынылды. Материалдар мазмұны Қазақстанның Тұңғыш Президенті Н.Ә.Назарбаевтың  еліміздің тәуелсіздігін нығайту жолындағы тарихи рөлі, көреген саясаты және жасампаз қызметі туралы, Қазақстанның өсіп-өркендеуі жолындағы аса ірі оқиғалар мен мемлекет тарапынан атқарылған іс-шаралар, еліміздің егемендігі мен біртұтастығының басты атрибуттары туралы бағыттарды қамтыды.