Президент жолдауы зор ықыласпен тыңдалды

Мемлекет басшысы Қасым-Жомарт Тоқаевтың Қазақстан халқына жолдауы еліміздің көптеген білім мекемелерінде тыңдалды. Солардың қатарында Ж.Мусин атындағы Көкшетау жоғары педагогикалық колледжінің ұжымы да салтанат залына жиналып, тікелей көрсетілімді тамашалады. Биылғы мемлекет басшысының «Халық бірлігі және жүйелі реформалар – ел өркендеуінің берік негізі» атты жолдауында пандемиядан кейінгі кезеңдегі елді одан әрі дамытуға, денсаулық сақтау жүйесінің тиімділігін арттыруға, сапалы біліммен қамтуға, өңірлік саясатты жетілдіруге, еңбек нарығында тиімді экожүйе құруға, саяси жаңғыруға, адам құқығын қорғау мен ұлтты ұйыстыруға бағытталған бастамаларын жариялады. Алдағы уақытта ел үшін маңызды стратегиялық мәлімдемені талқылау мақсатында оқытушылар мен студенттер тарапынан тәрбие сағаттары, дөңгелек үстелдер ұйымдастырылмақ.