ПЕДАГОГИКАЛЫҚ ПРАКТИКА

2026 жылдың 1 қыркүйегі мен 2 қазаны аралығында БМ-41 тобының студенттері Көкшетау қаласындағы жалпы білім беретін мектептерде педагогикалық практикадан өтуде.
Педагогикалық практика – болашақ бастауыш сынып мұғалімдерінің кәсіби құзыреттілігін қалыптастырып, теориялық білімдерін мектеп тәжірибесімен ұштастыратын маңызды кезең.
Практика барысында студенттер білім беру үдерісін ұйымдастыру, оқушылармен тиімді қарым-қатынас орнату, сабақ жоспарлау және өткізу, сынып жетекшісінің жұмысына қатысу, сондай-ақ оқушылардың жас және жеке ерекшеліктерін ескеру бағытында тәжірибелік дағдыларын жетілдіруде.
🔹 1-топ – «ЭКОС» №13 мектеп-гимназиясы
Әдіскері: Кожахметова Т.Қ.
🔹 2-топ – №18 жалпы білім беретін мектебі
Әдіскері: Амиржанова Г.Қ.
Практика барысында студенттер тәжірибелі ұстаздардың сабақтарына қатысып, сабақтың құрылымы мен ұйымдастырылуын бақылап, заманауи педагогикалық әдіс-тәсілдерді меңгеруде. Сонымен қатар оқушылармен жеке және топтық жұмыстар ұйымдастырып, тәрбие сағаттарына, сыныптан тыс іс-шараларға белсенді қатысуда.
Педагогикалық практиканың негізгі мақсаты – болашақ мамандардың педагогикалық шеберлігін қалыптастыру, кәсіби жауапкершілігін арттыру және мектептегі оқу-тәрбие үдерісін ұйымдастырудың қыр-сырын тәжірибе жүзінде меңгерту.
🌱 БМ-41 тобының студенттеріне педагогикалық практикада сәттілік тілейміз!
Әр сабақ – жаңа тәжірибе, әр оқушы – үлкен жауапкершілік, ал әрбір ұстаздық қадам – болашақ маманның кәсіби қалыптасуына бастар маңызды жол!
Мектеп ұжымдарына, тәжірибелі ұстаздар мен әдіскерлерге болашақ педагогтарға бағыт-бағдар беріп, кәсіби тұрғыда қолдау көрсетіп отырғандары үшін алғысымызды білдіреміз! 🤝