А МОДУЛІ – САБАҚТЫ ЖОСПАРЛАУ ЖӘНЕ ӨТКІЗУ

2026 жылғы 8 маусымда Ж. Мусин атындағы Көкшетау жоғары қазақ педагогикалық колледжінде 4S01140605 «Шетел тілі мұғалімі» біліктілігі бойынша білім алып жатқан А-41 тобында қорытынды аттестаттаудың демонстрациялық емтиханы басталды.
Емтихан екі тәуелсіз модульден тұрады. Бірінші күні өткізілетін А модулінің мақсаты – ағылшын тілі пәні бойынша қысқа мерзімді сабақ жоспарын құрастыру және заманауи білім беру мен ақпараттық-коммуникациялық технологияларды тиімді қолдана отырып, сабақтың үзіндісін өткізу бойынша кәсіби іскерліктерді көрсету.
А-41 тобының студенттері қысқа мерзімді жоспардың мақсат-міндеттеріне сәйкес сабақ жоспарларын әзірлеп, сабақ үзінділерін жоғары деңгейде ұйымдастырып өткізуде.
Емтихан тапсырмасы білім алушыларға кәсіби білімі, іскерлігі мен дағдыларын көрсетуге, сондай-ақ қойылған міндеттерді шығармашылық тұрғыдан шеше алатын болашақ маман ретінде өздерін танытуға мүмкіндік берді.