ЦИФРЛЫҚ ТЕХНОЛОГИЯЛАРДЫ МЕҢГЕРГЕН БОЛАШАҚ SMART-ПЕДАГОГ

2025 жылдың 16 қазан күні Ж. Мусин атындағы Көкшетау жоғары қазақ педагогикалық колледжінде бастауыш мектеп бөлімінің ұйымдастыруымен «Цифрлық технологияларды меңгерген болашақ SMART-педагог» атты колледж студенттері арасындағы байқау өтті.
Іс-шара барысында қатысушылар педагогика мен цифрлық технологияларды үйлестіріп, кәсіби құзыреттіліктерін, шығармашылық қабілеттерін және заманауи цифрлық құралдарды қолдану дағдыларын көрсетті.
Байқау III кезеңнен тұрды. 
I кезең – «Өз мамандығын цифрлық форматта насихаттау»
II кезең – «Құндылықтарды дарыту арқылы сыныптан тыс іс-шараның нәтижесін қолдану»
III кезең – «ЖИ жүйесіндегі педагогикалық жағдаяттарды шешу»
Үш кезеңнің қорытындысы бойынша Бас жүлдені ФБ-41 тобының студенті Дәулетбек Жұлдыз Саветқызы жеңіп алды. І дәрежелі дипломды А-42 тобының студенті Кенжітай Томирис Жақсылыққызы иеленді. ІІ дәрежелі дипломды БМ-41 тобының студенті Ерденова Дильназ Армановна және МД-31 тобының студенті Төлеген Аружан Сабыржанқызы еншілесе, ІІІ дәрежелі дипломмен И-41 тобының студенті Ерғали Ұлпан Дидарқызы және Л-41 тобының студенті Темірхан Үміт Жолшыбекқызы марапатталды.
ДМ-41 тобының студенті Макиров Хамит Қайратұлы қатысушы сертификатына ие болды. Байқауға қатысушыларды дайындауға атсалысқан жетекшілерге кәсіби қолдауы мен бағыт-бағдар бергендері үшін арнайы сертификаттар табысталды. Мұндай іс-шаралар колледж студенттерінің кәсіби дамуына серпін беріп, болашақта SMART-педагог болуға ұмтылған жас мамандардың жолын айқындайтыны сөзсіз.
Іс-шараны ұйымдастырушыларға, қатысушыларға және жетекшілерге алғыс білдіре отырып, шығармашылық табыс пен кәсіби шыңдарға жетулеріне тілектеспіз!