24 қыркүйек күні Ж.Мусин атындағы Көкшетау жоғары қазақ педагогикалық колледжінде қоғамдағы ең өзекті мәселелердің бірі – нашақорлықтың алдын алу тақырыбына арналған «ESIRTKISIZ QAZAQSTAN» атты семинар өтті.
Іс-шараны тәрбие бөлімінің қолдауымен "Esbol Qory" қоғамдық қоры және оның жанындағы Esirtkisiz.aqmola аймақтық фронт-офисі ұйымдастырды.
Семинар барысында:
* Қатысушылар еліміздегі нашақорлықтың қазіргі ахуалы туралы тың деректер алды;
* Фронт-офис жұмысының (Esbol Qory кейсі) тәжірибесімен танысты;
* Жастар белсенді қатысқан интерактивті ойындар мен пікірталастар өтті;
* Жеке даму мен қоғамға үлес қосуға бағытталған мотивациялық бөлім ұйымдастырылды.
Семинарға қатысушы студенттер әлеуметтік жауапкершіліктің маңыздылығын түсініп, салауатты өмір салтын насихаттауға үн қосты.