Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
№109 ДӘРІСХАНА – «НӘЗИПА ҚҰЛЖАНОВА АТЫНДАҒЫ МЕКТЕПКЕ ДЕЙІНГІ ПЕДАГОГИКА»
02.09.2025
2025 жылдың 2 қыркүйегінде Ж. Мусин атындағы Көкшетау жоғары қазақ педагогикалық колледжінде №109 дәрісхана – «Нәзипа Құлжанова атындағы мектепке дейінгі педагогика» дәрісханасының ашылу рәсімі өтті.
Салтанатты ашылу рәсімін колледж директоры Нұртас Ахатұлы мен ұлағатты ұстаз Сағира Абзалқызы жүргізді.
Мектепке дейінгі тәрбие және оқыту – балалардың танымдық қызығушылығын қалыптастыруға негіз болатын заттық-дамытушы ортаны жобалауға, теориялық және практикалық тұрғыда толыққанды дайындықты қамтамасыз етуге бағытталған. Дәрісхана дизайны білім алушылардың жан-жақты білім алуына және оны практикалық тұрғыда қолдануына мүмкіндік береді.
Дәрісхананың мақсаты:
• студенттерге мектепке дейінгі педагогиканың негізін қалаған Н. Құлжанованың өмірі мен қызметін насихаттау;
• STEAM оқытудағы инновациялық технологияларды меңгерту;
• студенттердің педагогикалық кәсіби біліктілігін жетілдіру және үздіксіз білім алуға бағыттау.
Дәрісхананың мазмұны мен ерекшеліктері:
• арнайы жабдықталған STEAM бұрышы заманауи инновациялық-дидактикалық құралдармен қамтамасыз етілген;
• ағартушы, ұстаз, қоғам қайраткері Нәзипа Құлжанованың 3D портреті орналастырылған;
• QR-код арқылы студенттер оның еңбектері мен өмірбаянына қатысты деректермен және бейнематериалдармен таныса алады;
• балалардың ұсақ моторикасын, ойлау қабілетін, шығармашылығын дамытуға арналған 3D бизибордтар орнатылған.
Просмотров: 173