КӨКТЕМ АРУЫ – 2021

Ж.Мусин атындағы Көкшетау жоғары қазақ педагогикалық колледжінде «Kerbez» мәдени-интеллектуалды қыздар мектебінің жетекшілері Ә.Заманбекқызы, Ж.Саршақызының ұйымдастыруымен «КӨКТЕМ АРУЫ – 2021» қыздар арасындағы колледжішілік онлайн шығармашылық байқауы өткізілді. Байқаудың мақсаты: Колледжіміздегі қыздар арасынан өзінің ажарымен, ақылымен және бойындағы өнерімен ерекшеленетін аруларымызды анықтау; Байқау қорытындысы бойынша үздік деп танылған қатысушыны қалалық «Көктем аруы – 2021» байқауына үміткер ретінде қатыстыру. Байқау үш кезеңнен тұрды: «Мен қазақтың қызымын» – визиттік карточка; «Менің өнерім» – шығармашылық кезең; «Мен фотомодельмін». Бұл кезеңде қатысушылардың фотосуреттері ұйымдастырушыларға жіберілді, ол фотолар колледжіміздің әлеуметтік парақшаларына салынып, лүпіл қорытындысы бойынша аталған кезеңдегі ұпайлары анықталды.

Колледж бойынша байқауға 10 ару қыздарымыз қатысты. Байқау қорытындысы бойынша Мектепке дейінгі бөлімнің студенті Қуанышбек Әсел бас жүлдегер атанды. I орынды Мектепке дейінгі бөлімнің студенті Берістем Дильназ, II орынды Бастауыш білім беру бөлімінің студенті Кенжетай Дана, III орынды Ағылшын бөлімінің студенті Қайрат Анаргүл иеленді. Сонымен қатар, «Önerlі aru» номинациясымен Музыка бөлімінің студенті Ипова Диана, «Būrymdy aru» номинациясымен Информатика бөлімінің студенті Жұмабек Гаухар, «Körіktі aru» номинациясымен Ағылшын бөлімінің студенті Досымова Әсем, «Şyğarmaşyl aru» номинациясымен Ағылшын бөлімінің студенті Абылқасова Алуа, «İnabatty aru» номинациясымен Мектепке дейінгі бөлімінің студенті Жадрина Айымгүл, «Daryndy aru» номинациясымен Филология бөлімінің студенті Аманжолова Аққу марапатталды.