«БІЛІМ БЕРУ ҰЙЫМЫ БАСШЫСЫНЫҢ (ДИРЕКТОРЫНЫҢ) ҮЗДІК ОРЫНБАСАРЫ» РЕСПУБЛИКАЛЫҚ БАЙҚАУЫ

Қанипа Бітібаева атындағы республикалық ғылыми-әдістемелік зерттеу орталығының ұйымдастыруымен «Білім беру ұйымы  басшысының (директорының)   үздік орынбасары» республикалық   байқауына Ж.Мусин атындағы Көкшетау жоғары қазақ педагогикалық колледжі директорының оқу жұмысы бойынша орынбасары, қазақ тілін оқыту әдістемесі пәнінің оқытушысы, педагог-зерттеуші, филология ғылымдарының магистрі, Қазақстан Педагогикалық Ғылымдар Академиясының мүшесі, «Үздік педагог – 2024» республикалық байқауының жеңімпазы  Ілияс Данагүл Нұртайқызы қатысып, I дәрежелі диплом, директордың кәсіптік практика жұмысы бойынша орынбасары, қазақ тілін оқыту әдістемесі мен әдебиетті оқыту әдістемесі пәндерінің оқытушысы, педагог-шебер, филология ғылымдарының магистрі, білім беру магистрі, «Үздік ұстаз» төсбелгісінің, «Қазақстан Республикасының білім беру ісінің құрметті қызметкері» төсбелгісінің,  «Білім беруді дамытуға қосқан еңбегі» үшін медалінің иегері, Қазақстан Педагогикалық Ғылымдар Академиясының мүшесі, Ы.Алтынсарин төсбелгісінің иегері,  «Үздік педагог – 2024» республикалық байқауының жеңімпазы Жоламанова Тойындық Молдағалиқызы II дәрежелі дипломмен марапатталды. Менеджменттік қызметтегі кәсіби жетістіктеріңізбен құттықтаймыз!