ҚҰТТЫҚТАЙМЫЗ!!!

2024 жылдың 23-25 желтоқсан күндері аралығында Ақмола облысы білім басқармасының туризм, дене шынықтыру және алғашқы әскери технологиялық дайындық орталығының ұйымдастыруымен өткен өңірдің орта, техникалық және кәсіптік білім беру ұйымдарының алғашқы әскери және технологиялық дайындық педагогтері мен оқытушы-ұйымдастырушылары арасындағы «Алғашқы әскери және технологиялық дайындық пәнінің үздік педагогы – 2024» облыстық кәсіби шеберлік байқауында Ж.Мусин атындағы Көкшетау жоғары қазақ педагогикалық колледжінің алғашқы әскери дайындық  пәні оқытушысы, педагог-сарапшы, «Айбын» әскери-патриоттық клубының жетекшісі Қалиев Қуаныш Ахметұлы жүлделі ІІ орынды иеленді. Негізгі мақсат – әскери-қолданбалы спорт түрлерін дамыту, алғашқы әскери және технологиялық дайындық педагогтері мен оқытушы-ұйымдастырушылары беделі мен имиджін арттыру, кәсіби шеберліктің озық тәжірибесін тарату, білім алушылардың білімі мен дағдыларының жоғары сапасын қамтамасыз ететін инновациялық технологиялар мен оқыту әдістерін енгізу және кәсіби шеберлігін жетілдіру. Облыстық байқау «Тест тапсырмаларын шешу», «Бейнеролик байқауы», «Пневматикалық винтовкадан ату», «АК-74 толық емес бөлшектеу және жинақтау», «Оқжатарды жарақтандыру бойынша №15 нормативті орындау» және №3б нормативін орындау «Жалпы әскери қорғаныс жинағын комбинезон ретінде кию» атты кезеңдерден тұрды. Кәсіби-педагогикалық шеберлік, құзыреттілік, практикалық дағдыларды пысықтау жүйесі және білімді тиімді пайдалана білуі арқылы 31 білікті оқытушы қатысқан додадан  педагог-сарапшы Қалиев Қуаныш Ахметұлын жүлделі орынды иеленуімен құттықтаймыз! Кәсіби кеңістігіңіз жетіле берсін!