КОЛЛЕДЖІШІЛІК «КӘСІБИ ШЕБЕРЛІК-2024» БАЙҚАУЫ

2024 жылдың 5 желтоқсан күні Ж.Мусин атындағы Көкшетау жоғары қазақ педагогикалық колледжінде техникалық және кәсіптік, орта білімнен кейінгі білім беру ұйымдарының педагогтері арасындағы педагогикалық сала бойынша  колледжішілік «Кәсіби шеберлік-2024»  байқауы өтті. Педагогикалық шеберліктің басты шарты – педагогикалық эрудиция мен құзіреттілік. Тартысты өткен колледжішілік кәсіби шеберлік  байқауының қатысушылары бүгінгі күннің талабына сай педагогикалық ғылымның соңғы жетістіктеріне сүйене отырып, қазіргі заманғы педагог шеберлігінің мәнін, оқытушының білім мен білік дағдыларын көрсететін кәсіби дайындығын демонстрациялады. Колледж директоры, филология ғылымдарының кандидаты, Педагогикалық ғылымдар академиясының және ұлттық құндылықтар академиясының академигі, Қазақстанның еңбек сіңірген ұстазы  Ахат Нұртас Ахатұлы қатысушыларға сәттілік тілеп, ерік-жігер берді. Кәсіби шеберлік байқауы екі кезең, 3 модульден тұрды. Теориялық кезең: І модуль  – «Мен және қоғам»; практикалық кезең: ІІ модуль – «Әдістемелік жоба»; ІІІ модуль «Мультимедиалық технологиялар». Байқау қорытындысына сәйкес арнайы пәндер бойынша І орынды «Музыка» кафедрасының арнайы пәндер оқытушысы Заманбекова Әлия Заманбекқызы иеленсе, ІІ орынды «Тіл және әдебиет» кафедрасының арнайы пәндер оқытушысы Қайырбай Айым Маралбекқызы мен  «Информатика» кафедрасының арнайы пәндер оқытушысы  Қамалиден Әйгерім Сағындыққызы еншіледі. Ал жүлделі ІІІ орынға «Шетел тілі» кафедрасының арнайы пәндер оқытушысы Қаппас Айсара Жанатқызы мен «Педагогика және психология» кафедрасының арнайы пәндер оқытушысы Бегалин Болат Жанайдарұлы ие болды. Сондай-ақ жалпы пәндер бойынша І орынды «Әлеуметтік-жаратылыстану пәндері» кафедрасының жалпы пәндер оқытушысы Сарша Жанар Саршақызы, ІІ орынды «Информатика» кафедрасының жалпы пәндер оқытушысы Мендыбаева Айжанар Нұрланқызы және ІІІ орынды «Тіл және әдебиет кафедрасының» жалпы пәндер оқытушысы Жабагинова Майра Қанапияқызы иеленді.