«АЛАШТЫҢ АҚТАҢГЕРІ – ӘЛИХАН» атты дөңгелек үстел

2021 жылдың 4 наурыз күні Әлихан Бөкейханның туғанына 155 жыл толуына орай «Алаш кемеңгері, ұлт көсемі – Әлихан Бөкейхан» атты апталық аясында дөңгелек үстел өтті. «Алаштың ақтаңгері – Әлихан» тақырыбында ұйымдастырылған дөңгелек үстелге колледж студенттері өз зерттеу мақалаларымен қатысты. ФБ-22ҚБ тобының студенті Атығай Аружан «Алаш кемеңгері, ұлт көсемі Әлихан Бөкейханның тағылымдық мұраларындағы патриоттық идеялары» тақырыбында баяндамасын оқып, ұлтжанды азаматтың патриоттық идеяларын саралап көрсетті. Сонымен қатар, БМ-22ҚБ тобының студенті Жарғанат Ақерке «Әлихан Бөкейхан – ХХ ғасырдың бас кезіндегі ұлт-азаттық қозғалысының көшбасшысы», И-22ҚБ тобының студенті Қожахметова Нұрай «Әлихан Бөкейханның әлеуметтік-философиялық идеялары» тақырыбында, МД-22ҚБ тобының студенті Макулова Сая «Әлихан Бөкейхановтың қазақ жұртшылығына сіңірген еңбегі», МД-22ҚБ тобының студенті Қуанышбекова Ұлдана «Әлихан Бөкейханов – тарихи тұлға» тақырыптарында сөз сөйледі. Тарих пәнінің оқытушысы Бимағамбетова Жанар Түлкібайқызы көрнекті қоғам және мемлекет қайраткері, Алаш қозғалысының жетекшісі, Алашорда автономиялы үкіметінің төрағасы, ғалым, аудармашы Әлихан Бөкейханов мұраларын зерделеу болашақ ұрпақтың әрдайым назарында болуы керектігін атап өтіп, баяндамашыларға өз алғысын білдірді.