Үздік топ жетекшісі!

Ақпан айының 26 күні Ж.Мусин атындағы Көкшетау жоғары қазақ педагогикалық колледжінде 2021 жылдың «Үздік топ жетекшісі» анықталды. Байқау барысында топ жетекшілерінің тапқырлығы, білімділігі және ұйымдастырушылық қабілетін жоғары деңгейде көрсету – қатысушыларға қойылған негізгі талаптардың бірі болды. Бұл додаға колледж бойынша іріктелген 7 топ жетекшісі қатысты. Атап айтсақ, Мектепке дейінгі бөлімнің 2-курс, МД-22 ҚБ тобының жетекшісі Серікбай Индира Сағдатқызы, Дене мәдениеті бөлімінің 4-курс, Дм-41 тобының жетекшісі Садвакасов Айбек Серікұлы, Бастауыш мектеп бөлімінің 4-курс, БМ-21 тобының жетекшісі Секенова Балкүміс Байжанқызы, Музыка бөлімінің 1-курс, М-11 тобының жетекшісі Төлеубай Бахтияр Еркінұлы, Филология бөлімінің 3-курс, ФБ-31 тобының жетекшісі Жабагинова Майра Қанапияқызы, Ағылшын бөлімінің 3-курс, А-33 тобының жетекшісі Шайхыгалиев Ербол Аманжолұлы, Информатика бөлімінің 2-курс, И-21 тобының жетекшісі Атай Сабыржан Құрманұлы.

Білім беру жүйесіндегі тәрбие үрдісін жетілдіру және тәрбие жұмысының деңгейін арттыру, шығармашылықпен айналысатын жаңашыл топ жетекшілерін анықтау және қолдау көрсету мақсатымен ұйымдастырылған іс-шара төрт кезең негізінде ұйымдастырылды: таныстыру, тәрбие сағатынан үзінді (бейнеролик көрсету), ситуациялық сұрақ, топ жетістіктерінің портфолиосы. Төрт кезең бойынша үздік нәтиже көрсеткен ФБ-31 тобының жетекшісі Жабагинова Майра Қанапияқызы «Үздік топ жетекшісі» атанды. БМ-21 тобының жетекшісі Секенова Балкүміс Байжанқызы I орын, А-32 тобының жетекшісі Шайхыгалиев Ербол Аманжолұлы II орын, И-21 тобының жетекшісі Атай Сабыржан Құрманұлы III орын иеленді.