Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
АҚМОЛА ОБЛЫСЫ БІЛІМ БАСҚАРМАСЫ ЖАНЫНДАҒЫ Ж.МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІ» МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ «КОКШЕТАУСКИЙ ВЫСШИЙ КАЗАХСКИЙ ПЕДАГОГИЧЕСКИЙ КОЛЛЕДЖ ИМ.Ж.МУСИНА» ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
Біздің түлектер әскер қатарында
15.02.2021
Қазіргі күнде мемлекетіміздің өзекті мәселесінің бірі – ұлттық рухы, намысы биік, еліне, жеріне деген махаббаты адал, нағыз патриот ұрпақ тәрбиелеу.
«Ешкім батыр болып тумайды: батырлық та, мінез секілді өскен орта, көрген тәрбиеге байланысты қалыптасады» деп ел батыры Бауыржан Момышұлы айтқандай, жас ұрпақты батырлыққа, ерлікке тәрбиелеу ұлт болашағы үшін аса маңызды.
Осы мақсаттарға негізделе, Ж.Мусин атындағы Көкшетау жоғары қазақ педагогикалық колледжінің базасында, колледж директоры Ахат Нұртас Ахатұлының бастамасымен 2011 жылы «Айбын» әскери-патриоттық клубы құралған болатын. «Айбын» ӘПК – студенттер арасында Қазақстандық патриотизмді қалыптастыратын, өз Отанын құрметтеуге тәрбиелейтін, Қарулы Күштерде қызмет етуге қызығушылығы мен даярлығын қалыптастыратын колледж жанынан ашылған ерікті ұйым. Облысымыздың әскери-патриоттық тәрбие беру бағытындағы негізгі клуб болып саналады. Клуб тәрбиеленушілері әскери-қолданбалы спорт түрлерінен жоғары нәтиже көрсетіп, Облыстық, Республикалық, Халықаралық деңгейде жоғары нәтижелер көрсетіп жүр. Қорғаныс Министірлігінің тарапынан ұйымдастырылатын жыл сайынғы «Айбын» Жастар жиынында клуб тәрбиленушілері жүлделі орындардан көрінуде.
ҚР президенті, ҚК Жоғарғы бас қолбасшысы Қасым - Жомарт Кемелұлының қатысуымен өткен V Республикалық «Айбын» жастар жиынында біздің түлегіміз Качальский Руслан Вячеславович әскери кростан 3-орын, кермеге тартылу нормативінен 2 орын, вокалдық конкурстан командалық 1 орын, пневматикалық винтокадан ВП-1 жаттығуларын орындаудан үздік нәтиже көрсетті.
2020 жылы Руслан «Дене мәдениеті және спорт» мамандығын аяқтап, Ақмола облысы, Көкшетау қаласының Қорғаныс істер жөніндегі департаментінен Жамбыл облысы, Қордай ауданындағы, ОТАР 30212 әскери бөліміне отан алдындағы борышын өтеуге шақырылды. Қазіргі кезде Руслан Аягоз қаласындағы 10810 әскери бөлімінде мерзімді әскери борышын атқаруда.
Просмотров: 254